Судот во Рим нареди група мигранти, кои се задржани во камповите во Албанија, да бидат префрлени во Италија, велат изворите, како најнов удар врз планот на премиерот Џорџa Мелони за сузбивање на илегалната имиграција по море.
Одлуката се однесува на 43 мигранти од Египет и Бангладеш кои оваа недела беа префрлени во Албанија откако беа спасени во Средоземното Море, во последниот обид да се спроведе политика чија валидност веќе е доведена во прашање од судството, пренесува Ројтерс.
Италијанската десничарска влада изгради два објекти во Албанија кои се наменети за задржување на мигрантите додека се обработуваат нивните барања за азил.
Последната пресуда е трет пат судиите да наредат враќање на мигрантите во Италија откако првата група беше однесена во Албанија во октомври минатата година.
Италијанските опозициски партии ја поздравија оваа пресуда, која не му оди најдобро на Мелони.
„Како што би помислил секој разумен човек, уште една депортација на мигранти во Албанија нема ништо“, рече Никола Фратојани, член на парламентот на партијата Зелено-левичарска алијанса.
Два извори изјавија за Ројтерс дека судиите одлучиле да го упатат случајот до Европскиот суд на правдата (ЕСП).
Во меѓувреме, мигрантите ќе бидат префрлени во Италија, најверојатно во сабота, изјави еден од изворите.