Италијанската полиција во четвртокот наутро уапси 56 лица ширум земјата за врски со озлогласената мафијашка група Ндрангета и заплени имот вреден околу 250 милиони евра.
Обвиненијата со кои се соочуваат осомничените вклучуваат изнуда, киднапирање, трговија со оружје, корупција и измама, меѓу другото.
Франческо Месина, централниот директор на антикриминалната управа на националната полиција, рече дека „силната операција на судската полиција овозможила да се разбие жестока мафијашка заедница“.
Тој понатаму додаде дека „огромната сума“ на запленети средства „ја потврдува економската моќ на кланот „Ндрангета кој конечно е погоден“.
Полициската операција доаѓа само една недела откако еден од најбараните италијански бегалци, озлогласениот сицилијански мафијаш Матео Месина Денаро, беше уапсен во Палермо.
Кланот Ндрангета има свои корени во јужниот регион на Калабрија, но до сега се проширил на полуостровот и на остатокот од континентот.
Кланот е силно вклучен во шверц на дрога во Европа, одржувајќи силни врски со јужноамериканските картели.