Украински снајперист чие кодно име е „Дух“ открива како со смртоносни истрели од далечина до 1.500 метри елиминирал 147 руски војници.
Неименуваниот снајперист, кој е и командант на единицата „Духовите на Бахмут“, исто така тврди дека заедно со неговата елитна единица елиминирал над 1.200 цели за само 17 месеци, пренесува „Дејлимејл“.
„Дух“ изјавил дека „убивањето непријателски војник е како редовна работа“, објаснувајќи како тој нишани, го проверува дострелот и се уверува дека непријателот не го открие.
„Најчистата работа е да го завршиш со еден, прецизен истрел. После тоа немам каење. Ако не ги убијам Русите, тие ќе ме убијат мене“, изјави тој за италијанскиот весник „Кориере“.
Убиствата што ги постигнува неговата единица се евидентираат електронски со помош на нишанот на нивните пушки, а тимот останува во позиција три до пет часа по пукањето за да се увери дека целта е елиминирана.
„Духовите на Бахмут“ брои околу 20 врвни снајперисти и моментално се распоредени на првите линии во Покровск, во срцето на Донбас, каде што украинските сили се во дефанзива под притисок на руските напади.
Сите членови на единицата се професионални војници и учествувале во некои од клучните битки од избувнувањето на војната во февруари 2022 година.
Единицата беше распоредена во Буча, Ирпиње, околината на Мариупол, Суми и на Северниот фронт, а потоа во Харков, Бахмут и Авдијевка.
Елитната единица поминала 10 месеци обука пред да биде распоредена во Бахмут.
„Дух“, кој го крие лицето од јавноста, објасни дека тоа е обид да ја заштити неговата ќерка Владислава (13) затоа што „Русите може да ја бараат и да и наштетат за да ме казнат“, со оглед на неговиот статус како од најдобар украински снајперист.
„Тајната на добриот снајперист е да има трпение да чека. Многу пукање е бескорисно, всушност може да биде многу опасно“, вели тој.
„Дух“ погодил руски војник на импресивна оддалеченост од 1,5 километар, што е негов личен максимум, иако повеќето негови истрели се на растојание од 300 до 500 метри.
Тој, исто така, тврди дека неговиот тим постигнал еден од најдолгите потврдени снајперски удари во историјата, елиминирајќи цел на растојание од 2,4 километри, што е околу три пати поголема од висината на Бурџ Калифа, највисоката зграда во светот.
Командантот објасни дека тие обично одат на мисии во патроли од осум лица, составени од двајца снајперисти, двајца службеници за комуникација и беспилотни летала, тројца војници со митралези за поддршка и еден задолжен за брза евакуација.
За време на 48-часовните мисии, тие носат торби тешки 30 килограми, кои во зима ги прави уште потешки поради опремата за греење.
„Ги оставаме џиповите на пет до шест километри од оперативната зона и маршираме во тишина, распоредени настрана, често поминувајќи далеку зад руските линии на фронтот“, рече тој.
Нивното основно оружје е американската пушка „Barett M107A1“, иако користат и „Barett MRAD“, како и украинските пушки како „UAR-10“ и „Snipex Alligator“. Според прирачникот, ефективниот домет на „Barett M107A1“ е 1,8 km, додека максималниот домет е четири km.
„Да се биде снајперист не е како во американските филмови кои ја романтизираат работата на снајперистот и ја прикажуваат како многу гламурозна“, тврди „Ghost“.
Тој рече дека најголемиот дел од работата на единицата се заснова на опстанок.
„Учиш како да броиш, како да се камуфлираш, како да ја разбереш околината. Можеш совршено да пукаш, но ако не можеш да преживееш, тоа е безвредно. Работиме 24 часа на ден, нема разлика помеѓу ден и ноќ. Нема викенд Ти си целосно исцрпен, целосно исцеден и кога ќе се вратиш од мисијата, ти си руина.
Поранешниот претприемач „Дух“ почна да работи како снајперист во 2014 година, откако Русија незаконски го анектираше Крим.
Тој беше подложен на обука за снајпер во 2016 година со британски, американски, канадски и литвански инструктори. Тој потврди дека обуката на неговата единица дала резултати, бидејќи нема загинати членови на тимот.
„Апсолутно му верувам на секој член на мојот тим. Ние сме целосно независни. Сè што правиме, правиме сами. Веројатно затоа сите сме уште живи и заедно“.
Иако групата е многу успешна, „Дух“ предупреди дека ситуацијата во Покровск не е добра.
„Русите постојано напаѓаат. Се чини дека имаат бесконечен број дронови, речиси сите се супериорни од нашите. Не знам како ќе заврши ова“, рече тој.