За да се намали индустриското земјоделство се преземаат различни активности во кои предничи Холандија.
Како што пренесува Green Me, тоа ќе се постигне со колење на вишокот добиток, што е 30 отсто од вкупниот број.
Оваа земја има површина од 41.000 km², од кои една петтина е под вода. Покрај тоа, има најголем број на добиток во ЕУ по површина.
Бројот на одгледуван добиток е 4 милиони говеда, 13 милиони свињи, 104 милиони живина, што го прави најголемиот европски извозник на месо.
За да се намалат емисиите на азот, во некои области и до 70 отсто, потребно е да се намали нивниот број.
На климатските промени најмногу влијаат интензивните фарми со голем број грла.
Од една страна, има огромен профит и производство на храна за милијарди луѓе.
Од друга страна се огромното влијание на фармите врз животната средина, страдањето на животните и прекршувањето на хигиенските стандарди.
На фармите има голем број животни, а одлуката за намалување на нивниот број со цел да се намали влијанието на интензивното одгледување врз животната средина ќе резултира со колење на 30 милиони животни до 2030 година.
Владата има фонд од 25 милијарди евра за да ги „убеди“ сточарите да го намалат бројот на добиток или целосно да се откажат од земјоделството.
За да се постигне ова, се проценува дека околу 11.200 фармери би требало да ги затворат своите фарми, а 17.600 би требало да го намалат бројот на животни на нивните фарми.
Поради овие владини планови, земјоделците од јуни се на улиците низ државата.
Тие беа оценети како најголеми протести во историјата на земјата, а беа забележани и неколку ескалации, кога се судрија демонстрантите и полицијата.
Во една прилика органите на редот посегнале дури и по оружјето, кога пукале во правец на тракторот, пренесува agroklub.ba.