Грузискиот министер за внатрешни работи Вахтанг Гомелаури денеска изјави дека нема причина таа земја да ја затвори границата со Русија и да го ограничи влезот на руски државјани.
Тој ги демантираше информациите дека околу 250.000 Руси неодамна пристигнале во Грузија, велејќи дека многумина не пристигнале и дека не знае од каде се тие бројки, објави Гардијан.
„Пред околу четири, пет дена имаше 5.000-6.000 пристигнувања. Сега оваа бројка достигна 10.000“, рече грузискиот министер за внатрешни работи.
Рускиот претседател Владимир Путин на 21 септември потпиша указ за делумна мобилизација, прва во Русија по Втората светска војна.
Наредбата за делумна мобилизација во Русија предизвика протести низ Русија, апсења на демонстранти и заминување на руските граѓани од таа земја.