Девојка која не сака да си го открие вистинското име, објавува видео снимки од своите истражувања на подрачјето на Чернобил. Ја мери радијацијата за да покаже дека местото воопшто не е опасно.
По експлозијата на нуклеарен реактов во Чернобил во 1986 година ретко кој има храброст да го посети оваа подрачје, а ако таму се упатис е задржува многу кратко. Но, една девојка, која на „Јутјуб“ се потпишува како „bionerd23“, на радиоактивното подрачје често го минува времето и тврди дека тоа што ни се претставува како опасно всушност не е.
Таа дури се снимила себеси како јаде радиоактивни јаболка. За неа ништо не е прерискантно, ниту пререадиоактивно. Со голи раце собира отпад од нуклеарниот реактор, во кругот на Чернобил, ја бркаше бесна лисица, а снимила и огромни сомови во езерото на подрачјето на Чернобил.
– Веројатно не се мутанти, поверојатно е дека се толкави затоа што никој не се обидува да ги лови, вели таа смирено набљудувајќи го мрзоволниот сом.
Девојката наводно е од Германија или долго време живеела таму. Своето вистинско име не го открива и тврди дека нејзината личност воопшто не е важна.
– Никој не би требало да го обожава научникот туку само неговата работа. Личноста тука не е важна, напишала во мејл на еден интернет портал.
Многу коментатори ја поддржуваат и и порачуваат дека е супер и храбра, додека другите се прашуваат зошто си го ризикува животот.
Loading...