Рекордниот топлотен бран што ја зафати Европа ги принуди германската полиција и пожарникари да преземат необични мерки – граѓаните беа ладени со водени топови и противпожарни возила.
Додека температурите во неколку земји надминуваат 40 степени целзиусови, екстремната жештина предизвикува прекини во сообраќајот, енергијата и секојдневниот живот.
На социјалните мрежи се појавија снимки од Германија на кои се гледа како полициски водени топови прскаат вода врз граѓаните собрани во парковите, додека пожарникарите во Келн користеа специјални возила за полевање на улиците за да ја намалат температурата на воздухот.
Not all water cannon moments are for protests.
As Europe battles a record-breaking heatwave, police used water cannon to cool down people struggling in the extreme heat. pic.twitter.com/YrxggQGR5h
— NewsWire 🇱🇰 (@NewsWireLK) June 28, 2026
Во Берлин, температурата достигна 39 степени во саботата, поради што полицијата испрати два водени топови на улиците за да им помогне на граѓаните да се справат со екстремната жештина.
Слична тактика на ладење беше употребена и во Прага, каде пожарникарите ги прскаа улиците со вода за да ги разладат граѓаните.
Berlin police using water cannons to cool crowds in the heat pic.twitter.com/cRSZbcYiCo
— Only Wild Clips (@OnlyWildClips) June 28, 2026
Во исто време, Германија забележа нов температурен рекорд. Во градот Мекерн-Древиц во сојузната покраина Саксонија-Анхалт беа измерени дури 41,5 степени Целзиусови, надминувајќи го рекордот поставен само еден ден претходно.
Рекордите паѓаа и во други европски земји. Данска ја забележа највисоката температура откако се направени мерењата – 37 степени, Чешка измерени 40,9 степени, Швајцарија го имаше најтоплиот јунски ден во историјата, додека Братислава ја доживеа најтоплата ноќ откако се достапни мерењата.
Високите температури предизвикаа сериозни проблеми во сообраќајот и енергетскиот систем.
During a brutal heatwave in Prague, the fire department drove through the old town slowly spraying water to cool everyone down.
Locals cheered as they passed. Small, thoughtful gestures like this are what make a city feel alive.
Well done, Prague. ❤️ pic.twitter.com/AazlXpVYcc— Retard Radar (@FullRetardRadar) June 28, 2026
Германскиот железнички превозник „Дојче Бан“ им дозволи на патниците бесплатно да ги откажат своите патувања, додека некои железнички линии беа привремено суспендирани поради ризик од оштетување на инфраструктурата.
Дел од еден од најпрометните автопати во близина на Хамбург беше затворен откако асфалтот пукна поради топлината.