Министрите за надворешни работи на земјите-членки на Г7 и високиот претставник на Европската унија за надворешни работи и безбедносна политика, Каја Калас, денес ги повикаа Суданските сили за брза поддршка (RSF) и вооружените групи во алијансата зад редовната суданска армија да ги запрат сите дејствија што би можеле да доведат до понатамошни злосторства или да ги загрозат животите на цивилите во Ел-Обеид.
Тие, исто така, ги повикаа сите страни, вклучително и суданската војска, да ги прекинат непријателствата, да дозволат пристап до хуманитарна помош и да се вклучат во преговори со добра волја, објави Ројтерс.
Во заедничката изјава на Г7 и ЕУ се изразува поддршка за напорите на Обединетите нации за деескалација на кризата и се повикува Советот за безбедност на ОН да го прошири ембаргото за оружје наметнато на Дарфур на целиот Судан.
Надворешните актери вклучени во граѓанската војна во Судан се повикуваат да ја прекинат воената и финансиската поддршка на завојуваните страни.
Потписниците на изјавата објавија дека ќе промовираат одговорност за кршење на меѓународните норми и изразија поддршка за единството и демократските аспирации на Судан.