Министерот за надворешни работи на Франција најави дека ќе го повика рускиот амбасадор за да објасни за вмешаноста на Москва во „обемна сајбер кампања“ чија цел е саботажа и шпионажа.
Ќе воведеме санкции и за девет лица и четири тела одговорни за оваа сајбер кампања, организирана од безбедносната служба ФСБ“, изјави Жан-Ноел Баро во интервју за BFMTV/RMC, пишува Euronews.
Нападнати десет европски земји
Баро тврдеше дека десет европски земји, вклучително и Франција, биле нападнати во последните денови.
Жртви биле владините министерства, компании и даватели на услуги.
Целта на нападот беше „или собирање информации или саботажа на операции, на пример, железничка инфраструктура, како што беше случајот во Полска“, додаде министерот, без да даде дополнителни детали.
Франција ја зајакна одбраната
Според Баро, Франција можела да ги открие нападите бидејќи „значително ја зајакнала својата одбрана од такви сајбер напади“.
Русија често беше обвинувана за извршување сајбер напади и саботажи низ Европа, што Москва постојано го негираше.