Францускиот физичар Етјен Клајн се извини откако призна дека фотографијата од ѕвездата Проксима Кентаур, која ја објави на својот Твитер пред неколку дена, всушност е фотографија од парче колбас.
„Фотографија од Проксима Кентаури, најблиската ѕвезда до Сонцето која е оддалечена од нас 4,2 светлосни години“, напиша Клајн пред неколку дена со фотографија од колбасот, додавајќи дека фотографијата е направена од телескопот Џејмс Веб на НАСА.
Луѓето на Твитер тоа главно го сфатија како шега, но шегата не им се допадна на сите и многу корисници на оваа социјална мрежа го нападнаа и му порачаа дека, како почитуван научник, не треба да објавува информација без претходно да ја провери.
„Непримерно е да се споделуваат вакви работи без веднаш да се посочи дека се лажни“, гласи еден од коментарите.
Photo de Proxima du Centaure, l’étoile la plus proche du Soleil, située à 4,2 année-lumière de nous.
Elle a été prise par le JWST.
Ce niveau de détails… Un nouveau monde se dévoile jour après jour. pic.twitter.com/88UBbHDQ7Z— Etienne KLEIN (@EtienneKlein) July 31, 2022
На крајот Клајн се извини и призна дека се шегува.
„Во светлината на некои од коментарите, чувствувам обврска да објаснам дека твитот на кој се прикажува наводната снимка од Проксима Кентаури е шега. Да научиме да бидеме претпазливи за аргументите на авторитетот, како и за спонтаната елоквентност на одредени слики“, напиша физичарот.
Со шеговит тон додаде дека, според модерната космологија, ништо што постои во месарниците не постои никаде освен на Земјата.