ФБИ барало документи за нуклеарно оружје во куќата на Трамп?

Сподели со своите пријатели

За време на претресот на домот на поранешниот американски претседател Доналд Трамп, агенти на ФБИ пребарувале доверливи документи поврзани со нуклеарно оружје, објави „Вашингтон пост“ повикувајќи се на добро информирани извори.

Loading...

Не е познато какви информации бараше ФБИ или дали такви документи се пронајдени во домот на Трамп во Палм Бич, Флорида, додава американскиот весник.

Министерството за правда побара од истражниот судија да издаде запечатен налог со кој се овластува претрес на имотот на Трамп за јавноста да може да дознае повеќе за тоа што барале истражителите, пренесува Ројтерс.

ПРОЧИТАЈТЕ И:  Иран: Најмалку 83 мртви за две недели протести

Претресот на куќата на Трамп беше извршен како дел од истрагата дали поранешниот американски претседател незаконски извадил документи од Белата куќа при напуштањето на функцијата во 2021 година.

Министерот за правда Мерик Гарланд рече дека тој лично ја одобрил одлуката за претрес, додавајќи дека Одделот не носи такви одлуки лесно.

Самиот Трамп во понеделникот објави дека се претресува неговиот дом и дека тоа го гледа како политичка одмазда.

Извор запознаен со истрагата рече дека агентите на ФБИ отстраниле десет кутии од домот на Трамп за време на претресот.

ПРОЧИТАЈТЕ И:  НАТО закажа вонредна прес конференција!