Стабилна е епидемиолошката состојба со Ковид 19 во Куманово, информираа денеска надлежните од Центарот за јавно здравје. Дневно, како што посочија, се прават околу 60-тина тестови.
– Главно се тестираат македонски државјани, преку „Мој термин“, тестираме пациенти и за општата болница. Засега состојбата е стабилна. Апелираме да се почитуваат препораките. Граѓаните во екот на забави, прослави малку подзаборавија на мерките. Добро е повозрасните, хроничните болни да држат дистанца и во турканици и во затворени простории да носат маски, изјави директорот на Центарот за јавно здравје, д-р Ариф Љатифи.
Лабораторијата на Центарот за јавно здравје Куманово дневно може да направи и до 400 тестови.
Според податоците на Министерството за здравство, во Куманово заедно со соседните Старо Нагоричане и Липково, активни во моментов се околу 200 лица.
МИА