Во петокот, Русија започна редок дневен напад со балистички ракети врз Киев, а експлозии беа регистрирани во неколку делови од градот, пишува „Киев Индепендент“.
Сирените за воздушен напад се огласија околу 11:20 часот наутро, а украинските воздухопловни сили пријавија руски ракети кои се упатуваат кон главниот град на Украина.
Неколку минути подоцна, градоначалникот на Киев, Виталиј Кличко, пријави експлозии во градот.
Напади со ракети С-400
Нападот се случува во време кога Русија ги интензивира своите масовни ракетни напади врз главниот град на Украина: на 19 јули, 25 балистички ракети беа лансирани кон Киев.
Претседателот Володимир Зеленски го опиша ова како една од најголемите масовни употреби на оружје за време на целата војна.
Покрај редовната употреба на балистички ракети „Искандер“ и разни крстосувачки ракети – вклучувајќи го и хиперсоничниот модел „Циркон“ – Русија наводно почнала да користи ракети од својот систем за воздушна одбрана С-400, пренаменети за напад на копнени цели.
Гори магацин во близина на Санкт Петербург
Претходно беше објавено дека магацинот на водечката руска онлајн продавница Wildberries во регионот Ленинград во близина на Санкт Петербург се запалил по напад со украински дрон. Три лица се повредени, додаде Дрозденко.
Компанијата Wildberries соопшти дека два од нејзините логистички објекти во регионот престанале да работат.
Таа, исто така, рече дека вработените во нејзините магацини на Кримскиот полуостров се евакуирани.
Видеото на Ројтерс од нападот покажува два големи облаци црн чад. Пет магацини на Wildberries, или околу 10 проценти од логистичкиот капацитет на компанијата, се нападнати од 18 јули.
Компанијата објави дека во последниот напад не е оштетена стока. Осум лица загинаа во нападите на 18 јули врз логистичките центри во градовите Котовско и Електростаље.
Киев тврди дека Wildberries е дел од инфраструктурата што ја поддржува руската војска. Русија негира дека компанијата има каква било врска со воена опрема.
Заедно со помалите конкуренти, „Вајлдберис“ и неговиот главен конкурент „Озон“ продаваат стоки и услуги во вредност од околу 8,5 проценти од БДП на Русија и вработуваат четири милиони луѓе, или повеќе од пет проценти од работната сила во земјата.