За 42-годишниот маж од Индија неодамна објавија бројни медиуми поради ретка состојба што го тера да спие дури 300 дена во годината.
Индиските медиуми неодамна објавија за бизарниот случај на Пуркхарам, средовечен жител на селото Бадва во Раџастан, кој, наводно, страдал од хиперсомнија и може да спие до 25 дена без прекини.
Пред 23 години му било дијагностицирано ретко нарушување, кога спиеше 15 часа, но симптомите се влошиле со текот на времето.
Пред шест години, тој започнал да спие околу два дена по ред, наместо 6-7 часа.
Сопственикот на мала продавница наскоро почнал да спие 7-8 дена по ред, а неговата состојба продолжила да се влошува, па сега спие до 25 дена по ред, пренесува Oddity Central.
Продавницата во своето мало село може да ја чува отворена само пет дена во месецот, а понекогаш заспива дури и кога е на работа. Кога тоа ќе се случи, тој не може да се разбуди, и може само да го однесат дома, а понекогаш дури и да го капат додека спие.
Неговата сопруга Личми Деви изјави дека нејзиниот сопруг неодамна се разбудил по 12 дена спиење и веднаш ја отворил продавницата, но никој не знае до кога ќе остане буден.
Во моментов не е познат лек за неговата состојба, а од методите што ги пробал, тој имал несакани ефекти како што се силни главоболки и замор.
Неговото семејство, сепак, се надева дека ќе се опорави и ќе се врати во нормален живот.