Италијанскиот премиер Марио Драги ја повика Европа да го „обработи целото расположливо земјиште“, што го смета за делумно решение за намалување на увозот на земјоделски производи, особено руска пченица, поради војната во Украина, пренесува АП.
Драги потсети дека, според постоечките земјоделски практики во Европската унија, 10 отсто од земјиштето намерно е оставено необработено, но тоа мора да се промени за да се намали зависноста од увоз на земјоделски производи.
Гори складиште за нафта во Русија: „Украина нѐ нападна со хеликоптери“ (ВИДЕО)
Помош од Канада, САД и Аргентина
Не е познато дали Украина, еден од најголемите светски извозници на пченица, пченка и сончогледово масло, може да спаси нешто оваа сеидбена сезона, пишува Бета.
Драги очекува дека Западна Европа ќе побара од Канада, Соединетите Американски Држави и Аргентина да помогнат да се компензира недостатокот на увоз на храна од Украина и Русија.