Ново истражување покажало дека мозокот на кучињата реагира на говорот слично како човечкиот.
Истражувањето спроведено во Унгарија потврдило дека кучињата разбираат одредени значења кога некој им се обраќа и препознаваат интонација на говор, пишува Њујорк тајмс.
Научниците во Унгарија обучиле 13 кучиња да се качат и влезат во уред за магнетна резонанца и седат мирно додека им се обраќаат.
На кучињата им изговарале смислени зборови со позитвина интонација и бесмислени зборови со позитивна интонација. Се обидувале да го менуваат и тонот на обраќањето.
Откриле дека кучињата реагираат на значењето на зборовите без оглед на интонацијата, поврзувајќи ги со позитивни или негативни искуства. Тоа во основа е ист начин на кој луѓето реагираат на говорот.
Лдиерот на истражувачкиот тим Атилиа Адиќ рекол дека тоа покажува оти пофалбите кон кучињата може да делуваат како награда, но дека најдобро функционира кога значењето на зборовите и интонацијата се усогласени.
– Кучињата не само што разликуваат она што ние им го кажуваме и како тоа им го кажуваме, туку можат да ги комбинираат тие две работи, за исправно толкување на она што зборовите навистина значат, нагласил Адиќ.