Потрагата по телото на двегодишната Данка Илиќ од Бор продолжува, а полицијата го пребарува поширокото подрачје на селото Злот.
Се пребарува во околината на куќите на осомничениот, гробиштата, пасиштата, бараките, непристапниот терен во Кањонот Лазарев.
РТС јавува дека вчера припадници на Секторот за вонредни ситуации пребарувале поток во близина на куќата на еден од осомничените за убиството.
Од вторникот припадници на Управата за криминалистичка полиција (УКП) од Белград и Бор вршат увид на просторот околу куќата на Д.Д., осомничениот за убиството на Данка.
Во понеделникот беше претресен вториот дел од кањонот Лазарев, откако полицијата заедно со спасувачката екипа и Планинарската спасувачка служба ги обиколи првите 3,5 километри, а беше претресена и јамата над кањонот длабока 70 метри, пишува РТС.
Двегодишната Данка Илиќ исчезна на 26 март на семејниот имот.
По 10-дневна потрага и детални проверки на сите индиции и информации, полицијата уапси двајца 50-годишни мажи од Бор, осомничени за убиство, кои се спроведени на распит во Вишото јавно обвинителство Заечар.