Димитриевски на увид во Спортската сала која добива нов лик (ФОТО)

Градоначалникот на Општина Куманово Максим Димитриевски  денеска изврши увид во Спортската сала каде привршува реконструкцијата.

Друштво му правеше претседателката на Советот на Општина Куманово Ивана Ѓорѓиевска.

Ако се суди според фотографиите објавени од Димитриевски, лично прв го испробал и новиот кош.

Во меѓувреме е поставен новиот паркет, а моментално се работи на санитарните јазли и надворешноста на објектот, по што ќе следува партерното уредување пред салата повторно да биде отворена.

Според претходните најави се очекува спортскиот објект да ги прими спортистите и граѓаните за во пресрет на Денот на ослободување на Куманово, 11 Ноември.

Никола Ивановски