Денот на независноста во Соединетите Американски Држави беше одбележан со бројни инциденти во кои најмалку пет лица загинаа во пукотници и експлозии низ целата земја, додека повеќе од десетина лица беа повредени.
Прославата на Денот на независноста во Соединетите Американски Држави оваа година беше одбележана со насилство во кое најмалку пет лица беа убиени во пукотници и експлозии, а десетици беа повредени во неколку градови, објавија официјални лица.
Њујоршката полиција соопшти дека доцна во саботата во Бруклин, Кони Ајленд, маж кој носел црна маска за скијање отворил оган врз семејства собрани на скара, повредувајќи најмалку осум лица, меѓу кои и четири деца, објави NBC синоќа.
Напаѓачот избегал пеш, а властите соопштија дека работат на негово идентификување и апсење.
Во Флорида, 19-годишник беше убиен, а шест други беа ранети од огнено оружје во центарот на Пенсакола вчера веднаш по 1 часот по локално време.
Шефот на полицијата во Пенсакола, Ерик Винстром, на прес-конференција изјави дека „најмладата жртва во овој случај имала 16 години“ и дека ранетите се на возраст од 16 до 26 години.
Eight people, including four children, were injured in a shooting in New York’s Coney Island on US Independence Day. Police recovered a firearm, hospitalised all the victims and said no arrests had been made. #newyork #coneyisland #shooting #crime #breakingnews #usa #nypd… pic.twitter.com/UVuY0ZoJzM
— The Federal (@TheFederal_News) July 6, 2026
Пукање избувнало и кратко по 3 часот наутро вчера во Форт Вејн, Индијана, во кое една жена била убиена, а осум возрасни лица биле згрижени поради рани од огнено оружје кои не се опасни по живот, соопшти полициската управа на Форт Вејн.
Една жена и еден маж биле убиени, а тројца други повредени на забава во Комптон, Калифорнија, соопшти канцеларијата на шерифот на округот Лос Анџелес.
Во Дејтон, Охајо, четири лица биле повредени во пукање во текот на ноќта помеѓу 3 и 4 јули во округот Орегон, населба позната по својот ноќен живот.
Во Кантон, Охајо, 46-годишна жена била застрелана во грб додека спиела во кревет откако осомничените и другите наводно пукале во воздух и поставиле огномет за да го прослават празникот 4 јули.
Осомничениот, Дариус Џ. Лајшман (24), бил уапсен и обвинет за кривично дело напад и неправилно пукање со огнено оружје во станбена зграда.
Во Сент Луис, Мисури, 17-годишен тинејџер беше убиен во пукотница околу полноќ во саботата, а уште две 16-годишни момчиња беа однесени во болница со прострелни рани, соопшти полицијата.
Во Чино, Калифорнија, експлозија на огномет уби едно лице, а тешко повреди уште две.