Делегација на Северна Кореја предводена од министерот за надворешни работи Чое Сон Хуи денеска ја започнува официјалната посета на Москва.
Корејската делегација заминува на покана на рускиот министер за надворешни работи Сергеј Лавров.
Севернокорејската делегација синоќа полета од меѓународниот аеродром во Пјонгјанг и беше придружувана од заменик-министерката за надворешни работи Парк Чол-Џун, вршителот на должноста на Руската Федерација Владимир Топеха и военото аташе на руската амбасада Валериј Исајенко, пренесува државната агенција КЦНА, додавајќи дека посетата ќе трае од 15 до 17 јануари.
Претходно вчера портпаролката на руското Министерство за надворешни работи Марија Захарова го потврди доаѓањето на севернокорејската делегација со која ќе разговара рускиот министер за надворешни работи Сергеј Лавров.
Традиционалните сојузници Русија и Северна Кореја неодамна повторно ги зајакнаа врските, при што лидерот на Пјонгјанг Ким Џонг Ун во септември оствари ретка посета на странство за да се сретне со рускиот претседател Владимир Путин на далечниот исток на Русија.
Највисоки руски функционери, вклучително руските министри за одбрана и за надворешни работи, исто така ја посетија Северна Кореја минатата година, предизвикувајќи загриженост кај сојузниците на Киев за можноста за потенцијален договор за оружје.
Претходно овој месец, Белата куќа ја обвини Северна Кореја дека испраќа балистички ракети и фрлачи на Русија, како што ја нарече „значајна и вознемирувачка ескалација“ на нејзината поддршка за воените напори на Москва.
Зголемувањето на воената и економската соработка меѓу Русија и Северна Кореја го осудија администрациите во Вашингтон и во Сеул.
Јужна Кореја го обвини Пјонгјанг дека и дал на Москва повеќе од милион артилериски куршуми во замена за совети за воена сателитска технологија.
Сите информации поврзани со најновите случувања во Северна Кореја можете да ги прочитате ТУКА.