Постојат сообраќајни регулативи кои немаат смисла или се премногу стари, но тие сè уште постојат денес на штета или жалење на возачите.
– Во Алјаска е забрането да се вози куче врзано на кровот на автомобилот.
– Во канадскиот град Монтреал, постои чудна сообраќајна регулатива, во која се вели дека не смеете да го блокирате патот. Сè е во ред, освен фактот дека ќе бидете казнети ако го блокирате и влезот во вашиот двор.
– Во Калифорнија е забрането да спиете на автопатот, а не е дозволено пукање на животни од автомобилот. Исклучок е пукање кон китовите.
– Во Пенсилванија (САД) низ земјоделските области за време на темнината, возачот мора да го запре возилото, да запали сигнална ракета и да почека 10 минути стоката да се тргне од патот, а целиот процес мора да се повтори на секои 1,6 километри.
– Во Алабама е забрането да се вози со врзани очи, но е дозволено да се вози во еднонасочна улица, доколку имате закачено фенер.
– Во Њу Џерси, не смеете да се намуртете на сообраќаен полицаец.
– Во Данска, возачите треба да погледнат под автомобилот пред да го вклучат моторот на автомобилот, затоа што постои можност дека може да налетаат на дете кое игра криенка.
– Во Луксембург, сите автомобили мора да имаат бришачи, дури и теренски возила кои немаат шофершајбна.
– Во градот Сарасота, Флорида (САД) казната за удирање на пешак со автомобил е 78 долари.
– Во Колорадо (САД) сè уште постои закон со кој се забранува возење црн автомобил во недела.
– Во Франција, возачите во автомобилите треба да имаат алкотестер, еднократен и повеќекратен, со исклучок на возила кои имаат вградена блокада за возачи во алкохолизирана состојба.
– Во Германија, ако го потрошите гориво во резервоарот, следува казна. Исто така е забрането да се носат животни на поводник додека седите во автомобил. Освен за кучињата, правилото важи и за коњи, крави и други животни.
– Во Швајцарија, не треба да го миете автомобилот во недела, затоа што неделниот мир е многу важен за Швајцарците, па многу бучни активности како што е миење на автомобили се забранети на тој ден.
– На Кипар е забрането да јадете и пиете додека возите. Водата не треба да се пие ниту за да се освежите, мора да застанете на страната и да го исклучите моторот.
– Во Сингапур постои закон што спречува возило да се приближува на помалку од 50 метри од пешак што се обидува да премине улица на пешачки премин. Апсолутно неизводливо, но законот сè уште е во употреба.
– Во Јапонија, ако испрскате пешак на тротоарот додека возите покрај него, ќе бидете казнети со казна од околу 50 евра.
– Во Австралија, строго е забрането да ги оставате клучевите во возилото.
– Во Јужна Африка, домашните животни имаат право на приоритет на јавните патишта. Возачот мора да му даде предност на секое лице што води домашното животно кое го бара тоа кревајќи ја раката. Казната за не почитување на ваквата одредба е 500 долари.
– Во Њу Орлеанс и Мемфис, постои сообраќајна одредба која вели дека ако жената вози автомобил, маж со истакнато црвено знаме мора да оди пред неа како знак за предупредување.