Циклонот Фреди, кој го погоди Мадагаскар, уби четири лица, соопшти денеска владата на таа островска држава.
Фреди предизвика поплави, корнеше дрвја и носеше покриви од куќи, пренесува Ројтерс.
Поради циклонот раселени се 11.047 лица, поплавени се 2.276 куќи, а уништени се 2.267.
Циклонот, кој во вторникот го погоди југоисточниот дел на Мадагаскар, со удари на ветрови до 180 километри на час, денеска се движеше низ островот кон копното на Африка.
По преминувањето на Мадагаскар, Фреди би можел повторно да се појави во Мозамбик Канал и да се зајакне пред да падне над Мозамбик и можеби Зимбабве.
Невремето би можело да зафати вкупно повеќе од 3,3 милиони луѓе. Фреди стигна на копно на Мадагаскар околу еден месец откако бурата Сенесо уби 33 луѓе во островската држава.