Четири лица загинаа во сообраќајна несреќа на Бадник, а повеќе од 50 лица завршија во болниците во Британска Колумбија, соопштија канадските власти.
„Можеме да потврдиме дека четворица патници се пронајдени мртви“, соопшти канадската полиција.
Оттаму додаваат дека загинатите патници се уште не се идентификувани, а причината за несреќата се уште се истражува.
Комерцијален патнички автобус се движел кон запад по автопатот 97C-Okanagan Connector кога излетал од патот и се превртел на страна, се вели во соопштението.
„Условите на патиштата беа опишани како многу лоши со мраз и снег на површината на патот и дожд и град“, според властите.
Возачот на автобусот во истрагата соработува со полицијата.
Точниот број на патници не е познат
Во судирот меѓу Мерит и Келовна не учествувале други возила. Таа област се наоѓа на околу 100 километри северно од канадско-американската граница.
Точниот број на патници во автобусот допрва треба да се потврди, а многу од повредените се пренесени во локалните болници пред полицијата да ги идентификува на местото на настанот, пишува Си-Ен-Ен.
Локалните здравствени власти потврдија дека медицинските тимови во три подрачни болници лекувале најмалку 53 лица по несреќата.
Беше објавено доцна во саботата дека инцидентот на автопатот 97C предизвикал одговор „портокалова шифра“, што е ознака на болницата што се користи за катастрофи или настани со масовни жртви.