Турскиот министер за надворешни работи Мевлут Чавушоглу ја предупреди Шведска дека Анкара нема да го поддржи нејзиното членство во НАТО алијансата доколку не преземе мерки против Курдистанската работничка партија /ПКК/, која е прогласена за терористичка организација во Турција.
ПКК одржа митинг во Стокхолм каде беа упатени навреди кон турскиот претседател Таип Ердоган, а кукла во неговиот лик беше обесена за нозе на столб пред градското собрание.
„ПКК поставува мина за членство на Шведска во НАТО алијансата. е јасно. Шведска треба да направи избор“, изјави Чавушоглу за телевизијата ТРТ, пренесува ТАСС.
Тој повтори дека Анкара очекува Шведска да го почитува меморандумот за борба против терористичките организации, што е услов Турција да го одобри влезот на земјата во НАТО.
Тој документ беше потпишан во јуни минатата година на маргините на самитот на НАТО во Мадрид.