Еврокомесарот за индустрија, Тиери Бретон, за европскиот портал „Политико“ изјави дека Бугарија има добар капацитет значително да го зголеми производството на муниција за снабдување на Украина.
Бретон изјавата ја даде од Бугарија, каде што беше оваа недела.
Тој за „Политико“ изјави дека „време е да се премине од плановите на активности, да се идентификуваат фабриките што би можеле брзо да го зголемат производството, нивните потреби и капацитети и да се предвидат потенцијални тесни грла во синџирот на снабдување“.
Бретон посети фабрики во Бугарија каде што има можност масовно да се зголеми производството на муниција за снабдување на Украина.
„Мораме да бидеме брзи, тоа е она што го правам. Минатата недела, Јосеп Борел (високиот претставник за надворешна и безбедносна политика на ЕУ) и јас го предложивме овој план за зголемување на производството, а сега сум на терен“, рече тој. .
„Политико“ додава дека Бретон посетил три доверливи производствени локации.
„Бугарија има добар капацитет значително да го зголеми производството, во временска рамка која би можела да биде компатибилна со она што го бараме“, рече Бретон.
На новинарско прашање дали е паметно ЕУ да се потпира на земја чија елита е симпатична кон Русија и чиј претседател има проруски став, Бретон вели дека е охрабрен од позитивните сигнали од бугарската влада и дека тој не е загрижен за доверливоста на земјата кога станува збор за надополнување на резервите на муниција во земјата.
„Не гледам некои посебни политички ризици“, инсистираше Бретон и додаде дека на посетата бил поканет од министерот за одбрана, кој е многу близок со актуелниот претседател.
Според Бретон, бугарските фирми имаат капацитет да ги зголемат испораките на нивните сегашни клиенти, кои се членки на ЕУ.
„Земјите кои имаат залихи ќе можат да и ги дадат на Украина, а производителите ќе можат да го зголемат своето производство за да ги пополнат тие залихи. За мене беше многу важно да ја имам оваа гаранција“, додаде тој.
Следната недела Бретон ќе патува во Словачка, Чешка, Полска, Франција и Романија, земји кои имаат потенцијал да го зголемат производството на муниција.
Турнејата на комесарот Бретон е дел од „операцијата“ за мобилизирање поддршка за Украина на која ЕУ работеше во последните месеци.
На 8 март, на состанокот на министрите за одбрана на ЕУ во Стокхолм, Борељ предложи начини за поддршка на Украина „побрза и посилна“, бидејќи ѝ треба повеќе муниција.
„Прво, брзо да се обезбеди муниција од постоечките залихи. Зборуваме за недели, така што треба да го искористиме она што веќе го имаме, повеќе заедништво: заеднички набавки на сите армии, да работиме заедно за да обезбедиме дел од оваа заедничка набавка на Украина, на среден рок“, рече тој.
Проектот предвидува, во оваа фаза, мобилизација на две милијарди евра пари од таканаречениот „Европски фонд за мир“, кој веќе овозможи да им се надомести на земјите-членки дел од воената опрема што и ја доставија на Украина за одбрана. против руската агресија.
Планирано е и групно купување, како што направи ЕУ за време на пандемијата КОВИД-19 кога купи вакцини на големо.
Сите информации поврзани со најновите случувања со војната во Украина можете да ги прочитате ТУКА.