Бизарна приказна е снимена во иранскиот град Ахваз, каде 37-годишен маж се појавил во локална болница со болки.
Тој се пожалил на хронични заболувања, гадење и повраќање, па лекарите му наредиле бројни тестови, но и рендген. Да се каже дека биле шокирани од резултатите е потценување.
На видеото се гледа како „метална маса“ блокира дел од желудникот, предизвикувајќи неподнослива болка и повраќање.
Случајот е документиран во медицински весник, а лекарите заклучиле дека пациентот голтал метал најмалку три месеци, пишува Дејли Мејл.
Морале да го оперираат, а од стомакот му извадиле над 450 предмети, како завртки, навртки, клучеви… Вкупната тежина била неверојатни три килограми.
Пациентот бил задржан на лекување и оздравел, но во меѓувреме му била констатирана психоза.
Оваа состојба може да има форма на халуцинации, или да доведе до заблуди за реалниот свет, збунето и бизарно размислување.