Кајла Ловдал (18) на 11 години одлучила дека е момче. Една година подоцна била на апчиња, на 13 години ги отстранила градите, а на 17 сфатила дека се е грешка, пишува New York Post за приказната за Американката која сега ги тужи лекарите и болницата.
Сфатила дека е грешка
Таа тврди дека ја немала потребната психолошка помош и дека лекарите ја залутале.
Кога имала 12 години и решила дека е момче, докторот им рекол на родителите: „Подобро да имаш жив син отколку мртва ќерка“.
Но, кога ја направила трансформацијата, сфатила дека згрешила.
И таа одлучила дека сака повторно да биде девојка. Ги тужела лекарите и болницата пред суд во Калифорнија.
– Најтешкиот дел е што им верував дека ќе станам подобра. Но, кога трансформацијата заврши, не се чувствував ништо подобро – изјави Кајла.
Тие ѝ овозможиле пребрза транзиција
Таа ја тужи болницата и четворица лекари за кои тврди дека се одговорни за предизвикување на нејзината длабока психолошка и емоционална болка.
– Лекарите ѝ дадоа рецепт за апчиња, игнорирајќи го фактот дека е дете кое се бори со многу емоции. Болницата и лекарите ги прекршија сите стандарди на грижа што требаше да ги следат затоа што ѝ дозволија толку брзо да се префрли – изјави нејзиниот адвокат.
Се огласи и болницата која Кајла ја тужи.
– Кога адолесцентите бараат вакво нешто со согласност на нивните родители, медицинскиот тим внимателно ги проценува опциите за лекување, им дава информации, советување и поддршка на пациентот и семејството. Одлуките на крајот се на пациентот и на родителите и ние тоа го почитуваме – соопштија од болницата, пренесува New York Post.