Белоруските граничари изјавија на националната телевизија дека украинските граничари закачиле „кукла во униформа на руската армија и ја нарекле Валера“ на границата со Белорусија.
Сергеј Павлов, официјален претставник на граничниот одред Мозир, рече дека Украинците наводно рекле дека куклата е „војник убиен во близина на Киев“.
Белоруските граничари тврдат и дека украинските колеги ја оштетуваат „инфраструктурата и покажуваат агресивни гестови, вклучително и оружје, прават навредливи натписи на сообраќајните знаци, поставуваат летоци со апели и пуштаат политички аудио снимки и повикуваат оперативци со закани“.
Државната гранична служба на Украина одговорила дека „не заплашувале, туку навестувале“, пренесува „Украинска правда“.
За време на целосната инвазија на Украина, Русија ја користеше територијата на Белорусија, што доведе до тензија меѓу Белорусија и Украина, пренесува Кликс.