Силната зимска бура што ја зафати Северна Америка го остави градот Бафало во Њујорк како воена зона, изјави гувернерката на таа американска држава Кети Хочул.
Тој град забележа дури 25 смртни случаи поврзани со временските услови во понеделникот, во споредба со 13 во неделата.
„Ова е војна со мајката природа и таа нè удира со се што има“, рече Хочул, пренесе Би-би-си.
Зимски услови беа пријавени од Канада дури на југ до реката Рио Гранде, а се верува дека најмалку 50 луѓе загинале низ целата земја. Најпогодена е областа околу Бафало, Њујорк.
Extreme #blizzard stranding motorists Downtown Buffalo. Family here stranded 7 hours a block from shelter. @bclemms and I escorted to shelter. Seems like survival situations playing out a block or two away in whiteout. Worst blizzard I have ever covered pic.twitter.com/ZvnBR9KeX7
— Reed Timmer, PhD (@ReedTimmerAccu) December 24, 2022
Дури и тие што требаше да спасуваат заглавија во снегот
Зила Сантијаго заглавил во својата Киа Седона со четирите деца бидејќи надвор преовладуваат снежни услови.
Иако избезумено повикал итна помош, Националната гарда и пријателите да му помогнат, никој не дошол. Не можеле ниту ако сакале.
Поради обилните снежни наноси останале заглавени и итните работници.
Петчленото семејство поминало 11 долги, темни часови во своето возило откако се заглавиле во снегот во Бафало.
Иако округот воведе забрана за возење, Сантијаго, самохран татко, бил на пат бидејќи не можел да си дозволи да ги остави своите деца преку ноќ кај бебиситерка.
Тој запалил гас за да ги стопли, а на своите деца им дал сок што го нашол скриен во багажникот.
Стравот го криел забавувајќи ги децата на возраст од 2 до 6 години со игри и телевизор поставен во возилото.
Филмот што го избраа децата на семејството Сантијаго? Frozen.
#BuffaloBlizzard2022 pic.twitter.com/paU6WHQzeE
— Dash TV (@DashTV13) December 26, 2022
Семејството го спасило плуг кој поминувал, а Зила Сантијаго им раскажал на новинарите како минувал низ силни бури во животот, но вакво нешто досега не доживеал.
Сантијагос биле меѓу илјадниците жители на западен Њујорк чии животи беа сериозно нарушени од арктичката бура што погоди голем дел од земјата.
Во Бафало наврнаа дури четири метри снег. Иако е област навикната на тешки зимски услови, ова невреме го парализирало подрачјето, а спасувачите останале заглавени во амбулантни и други возила на итната помош низ градот, не можејќи да им помогнат на своите сограѓани.