Повеќе од 40 отсто од ледените полици на Антарктикот се намалени од 1997 година, а речиси половина „не покажуваат знаци на закрепнување“, според студијата што ја поврзува промената со климатскиот колапс.
Ледените полици се наоѓаат на крајот на глечерите и го забавуваат нивниот проток во морето.
Кога се намалуваат, глечерите испуштаат поголеми количества свежа вода во морето, што може да ги наруши струите на јужниот океан.
Научниците од Универзитетот во Лидс пресметале дека 67 трилиони тони мраз биле изгубени на запад, додека 59 трилиони тони биле додадени на исток помеѓу 1997 и 2021 година, што резултирало со нето загуба од 7,5 трилиони тони.
Топлата вода на западната страна на Антарктикот го стопи мразот, додека на исток ледените полиците или останаа исти или пораснаа бидејќи водата таму е постудена.
Се проценува дека 67 трилиони тони слатка вода испуштени во океанот во период од 25 години влијае на океанските струи кои пренесуваат топлина и хранливи материи ширум светот, пренесува веб-страницата Гардијан.