Анита Величковска со прво место на меѓународен велосипедски маратон

Младата велосипедистка Анита Величковска од Куманово освои прво место во женска категорија на меѓународен велосипедски маратон, кој се одржа викендов во Република Србија.

Имено по деветти пат во Србија се одржа велосипедски маратон „Три стране Копаоника“. На маратонот стартуваа над 400 велосипедисти. Станува збор за познат спортски настан, со долга традиција, каде се собираат љубителите на планински велосипедизмот и планинско трчањето.

На патеката „Јела“ долга 33,5 километри, настапи нашата Анита Величковска, која го освои првото место во женска категорија, со време од 2 часа и 11 минути.