Федералните резерви на САД денеска ја намалија основната каматна стапка за невообичаено висок процентен поен, драматичен пресврт по повеќе од две години високи стапки кои помогнаа да се спречи инфлацијата, но ги зголеми трошоците за позајмување пари за многу потрошувачи.
Ова е прв пат во последните четири години американската централна банка да ги намали каматните стапки, сигнализирајќи го нејзиниот нов фокус на зајакнување на пазарот на труд кој покажува јасни знаци на забавување.
Со намалувањето на каматните стапки што доаѓа само неколку недели пред претседателските избори во САД, потегот на Федералните резерви или ФЕД има потенцијал да го разниша економскиот пејзаж додека Американците се подготвуваат да гласаат.
Клучната стапка е намалена на 4,8 отсто. Претходно беше на рекордно високо ниво во последните две децении од 5,3 отсто и остана така во изминатите 14 месеци додека ФЕД се бори да ја смири најлошата инфлација во последните 40 години.
До средината на 2022 година, инфлацијата се искачи на дури 9,1 отсто, а во август оваа година падна на 2,5 отсто, не многу над целната стапка на инфлација на ФЕД од два отсто. ;
ФЕД изрази очекување дека ќе ја намали стапката за уште половина поен на следните два состаноци оваа година, во ноември и декември, и предвидува уште четири намалувања во 2025 година и две во 2026 година.
ФЕД соопшти дека е поблиску од кога било до надминување на инфлацијата.
„Не велиме дека мисијата е завршена, но охрабрени сме од напредокот што го постигнавме“, рече претседателот на ФЕД Џером Пауел на новинарите, додавајќи дека „американската економија е на добро место и денешната одлука е пресметана да ја задржиме таму каде што тоа е“.