Најбизарниот фестивал во светот: Се сечат со мечеви, а лицето го дупчат со ексери (вознемирувачко)

На традиционалниот вегетаријански фестивал на островот Пукет на тајланд учесниците се повредуваат самите себе и на тој начин го доживуваат прочистувањето и ги протеруваат лошите духови.

Во оваа прилика на необичен начин се слави вегетаринаството, а со разните чинови на самоповредување се постигнува духовно прочистување. Мажите и жените ги дупчат образите со ножеви, игли и други остри предмети.

Фестивалот секогаш се одржува во деветиот месец по кинески календар и претставува подготовка за десетиот месец во кој е забрането јадењето месо.

Според верувањата воздржувањето од месо и ритуалите помагаат во зачувувањето на добро здравје и душевен спокој, но и донесуваат среќа на оние кои ги гледаат верските обреди.

Традицијата на одржувањето на фестиалот започнала во далечната 1825 година, кога кинеската патувачка оперска група дошла на гостување на островот, но членовите се разболеле. Сите преминале на вегетаријанска исхрана и наскоро болеста исчезнала.