Руските сили подготвуваат масовен напад, предупреди претседателот на Украина Володимир Зеленски и ги повика граѓаните да одговорат на предупредувањата за ракетната закана.
„Имаме ажурирани информации од разузнавачките служби за подготовките на Русија за масовен напад. Ве молиме бидете безбедни и одговорете на предупредувањата за ракетната закана“, рече Зеленски во видео обраќање објавено на социјалната мрежа X.
Тој рече дека украинските служби и воздухопловните сили се подготвени да одговорат во рамките на одбранбените капацитети.
Зеленски истакна дека многу зависи од партнерите, односно од секоја земја што ги има одбранбените средства што ѝ се потребни на Украина и може да ги обезбеди.
Како што нагласи, политичката волја во Соединетите Американски Држави и Европа е особено важна.