Четири наркотерористи беа убиени во напад на американските сили врз брод во Карибите, објави Јужната команда на американската војска (SOUTHCOM).
„Заедничката работна група за Западната хемисфера изврши смртоносен, кинетички удар врз брз брод кој се движеше по воспоставените рути за шверц со наркотици во Карибите. Потврдените разузнавачки информации укажуваат дека бродот бил активно вклучен во шверц со наркотици. Четири наркотерористи беа убиени во оваа операција“, се вели во соопштението на командата објавено на социјалната мрежа X.
Нападот е дел од кампањата што ја започна минатата година администрацијата на американскиот претседател Доналд Трамп против шверцерите со дрога.
Повеќе од 220 лица загинаа од почетокот на кампањата, во операцијата „Јужно копје“ на американската војска против бродови во Карибите и Источниот Пацифик за кои американските разузнавачки информации посочија дека превезуваат дрога.