Кинескиот претседател и генерален секретар на Централниот комитет на Комунистичката партија на Кина (КПК), Си Џинпинг, повика на напори за зајакнување на политичкото лидерство и продлабочување на развојот предводен од иновации за да се унапреди висококвалитетната модернизација на националната одбрана и вооружените сили.
Си повика на напори за исполнување на целите за стогодишнината од Народноослободителната армија (НОА) во 2027 година и да се постигне „одлучувачки напредок“ во суштинската реализација на модернизацијата на националната одбрана и вооружените сили, објави Ксинхуа.
„Ова ќе обезбеди силна стратешка поддршка за унапредување на целта за изградба на голема земја и постигнување национално подмладување на сите фронтови преку модернизацијата на Кина“, рече Си.
Во име на Централниот комитет на КПК и Централната воена комисија, Си упати празнични честитки до сите членови на НАО и Народните вооружени полициски сили, цивилниот персонал на НАО, како и до членовите на резервните сили и милицијата.