Министерството за здравство на Иран денес објави дека 55 лица се убиени во американските напади во претходните денови.
Портпаролот на иранското Министерство за здравство изјави за новинската агенција Фарс дека во исто време, 645 лица се повредени во неодамнешните американски напади во Иран, пренесува Ал Џезира.
Според него, најголем број жртви е регистриран во југозападната покраина Хузестан, по што следат јужните покраини Хормозган и Систан-Балуџистан.
Од вкупниот број повредени, 586 се отпуштени по лекувањето, додека неколкумина добиле амбулантска нега.
Службеникот додаде дека осум пациенти сè уште се на болничко лекување, а дека на некои им се потребни дополнителни хируршки процедури, пренесува Танјуг.