Украинското Министерство за вонредни ситуации објави видео на кое се гледа како неговите спасувачи во зоната на исклучување околу Чернобил се повлекуваат пред голема огнена бура, редок феномен кога ветерот носи честички од запаливи супстанции што горат во воздухот, објавува порталот „Раша Тудеј“.
Видеото, објавено на каналот „Телеграм“ на Министерството, го покажа формирањето на голем огнен вртлог кој брзо почна да се движи кон пожарникарите, принудувајќи ги веднаш да влезат во своите возила и да се повлечат.
„Огнено торнадо – урагански ветер, запаливи супстанции и пламен се спојуваат во една деструктивна сила. Токму вака изгледаат пожарите со кои делови од регионот Киев постојано се борат во зоната на исклучување околу Чернобил“, објави Министерството.
Пожарите беснеат со денови
Властите се борат со пожарите во близина на деактивираната нуклеарна централа Чернобил од минатата недела, но досега не беа во можност да ги стават под контрола.
По нуклеарната катастрофа во 1986 година, околу електраната беше воспоставена зона на исклучување со дијаметар од 30 километри.
Оваа област, со површина од околу 2.600 квадратни метри, е претежно покриена со шума и е затворена за јавноста поради високо ниво на радиоактивна контаминација.
A massive fire tornado was captured in Ukraine’s Kyiv region, where DSNS emergency responders filmed the intense vortex as powerful winds, dust, and roaring flames combined into a destructive spinning column of fire.#ukraine #wildfire #breakingnews pic.twitter.com/uo2yI8CY9Z
— Tomson (@TomsonWoo) July 3, 2026