Цела Шпанија, освен Канарските Острови и Мурсија, е во тревога поради интензивна топлина денес, а црвено предупредување за високи температури на воздухот е издадено во Баскија.
Шпанската државна метеоролошка агенција Аемет објави дека највисоките дневни температури во таа земја денес ќе бидат помеѓу 38 и 42 степени целзиусови, пренесува EFE.
Кантабрија е под портокалово предупредување поради топлина до 38 степени во областа Лиебане и во центарот и Вилаверде.
Во Кастиља-Леон, портокалово ниво на тревога е прогласено во покраините Бургос, Леон, Ваљадолид и Замора, каде што се очекува температурите да бидат помеѓу 37 и 39 степени Целзиусови.
Регионите Арагон и Каталонија, освен покраината Жирона, се под портокалово предупредување поради високи температури кои ќе се искачат до 41 степен Целзиусов, пренесува Танјуг.
Астурија, Галиција и Валенсија остануваат под жолто предупредување за топлина или силни бури.