Италијанската премиерка Џорџa Мелони денес изјави дека Европа мора да продолжи да ја поддржува Украина и да го зголемува притисокот врз Русија, откако нејзината влада презентираше нов пакет санкции до Москва пред самитот на Европската унија.
„Ја поддржуваме одбраната на Украина. Нашата позиција останува непроменета. Поддршката на Киев и одржувањето на притисокот врз Москва останува единствениот начин за започнување преговори, затоа го поддржуваме 21-от пакет европски санкции“, рече Мелони, пренесува АНСА.
Таа додаде дека Европа треба да избере „авторитативна личност“ која ќе учествува во можните идни преговори за завршување на војната во Украина.
Мелони, исто така, рече дека нејзината влада ги поддржува санкциите против насилните израелски доселеници на Западниот Брег и би сакала да ги види воведени против израелскиот министер за национална безбедност Итамар Бен Гвир.
Израелскиот министер за национална безбедност Итамар Бен-Гвир остро ја критикуваше Италија по веста дека обвинителството на Рим го ставило под истрага во врска со аферата околу хуманитарната флотила за Газа и притворањето на нејзините активисти од страна на израелските власти.
Истрага за третманот на активистите на флотилата од страна на израелските власти, вклучувајќи ги и италијанските граѓани, се води во Италија веќе неколку недели, а како дел од истрагата се изнесени обвинувања за тортура и киднапирање, пишува Анса.
Италијанските власти започнаа официјална истрага за пресретнувањето и притворањето на италијански граѓани на хуманитарната флотила за Газа, што се случи во меѓународни води.