Портпаролот на иранското Министерство за надворешни работи Есмаил Багеи денеска изјави дека разговорите со САД продолжуваат со посредство на Пакистан.
Во интервју за иранската државна новинска агенција Тасним Багеи, тој рече дека Ормускиот теснец е многу важен воден пат за целиот свет и додаде дека Иран отсекогаш вложувал големи напори да го заштити безбедниот сообраќај на овој воден пат.
„Продолжуваме да работиме напорно за да обезбедиме сообраќајот низ Ормутскиот теснец да се одвива со целосна безбедност. Нападот на САД и ционистичкиот режим што се случи на 28 март нè поттикна да преземеме мерки за заштита на нашата национална безбедност и тоа е дозволено“, рече Багеи, додавајќи дека Ормускиот теснец се наоѓа во територијалните води на Иран и Оман и дека двете земји го сметаат за безбеден сообраќај за нивна должност.
Како одговор на објавувањето на извештаите за намерата на ОАЕ да го нападнат Иран и посетата на израелските претставници на ОАЕ, Багеи рече дека Иран нема да дозволи различни извештаи да го натераат да заборави на фактот кој е главната закана.
„Ние не сме непријател на ниту една земја во регионот и ние сме соседи на сите. Ги повикуваме сите да внимаваат на заговорите однадвор за создавање поделби“, рече Багеи.
Тој посочи дека е природно секоја крајбрежна земја да наплатува такси за услугите што ги дава, но главното прашање е да се обезбеди безбедно минување со зачувување на националната безбедност.
„Настаните што се случија од март имаат правна основа. За Иран и Оман, како две крајбрежни земји, воспоставувањето механизам за безбеден премин врз основа на меѓународното право секако ќе повлече трошоци“, рече Багеи, пренесе Танјуг.