Кауцијата од 140 милиони гривни, која претходно му ја одреди Врховниот антикорупциски суд, е платена за поранешниот шеф на претседателскиот кабинет на Украина, Андриј Јермак, соопшти Катерина Шипилова од прес-службата на Судот.
„Поранешниот шеф на претседателскиот кабинет е ослободен со целосна кауција“, рече таа, пренесува Укринформ.
Кауцијата од 140 милиони одговара на сума од 2,7 милиони евра.
Јермак е осомничен како дел од истрагата за наводно перење пари поврзани со изградбата на станбениот комплекс „Династија“ во близина на Киев.
Според обвинителството, случајот се однесува на можни незаконски финансиски текови и злоупотреби во рамките на организирана група.
Тој беше уапсен откако на 11 мај беше обвинет од страна на Специјализираното обвинителство за антикорупција (САП) на Украина и Националното биро за борба против корупцијата (НАБУ) за кривично дело перење пари во особено големи размери, што законот предвидува затворска казна од осум до 12 години.