Два беспилотни летала влегле во Летонија од Русија, а потоа се урнале, соопшти во четвртокот наутро летонската војска.
Еден од дронови паднал врз складиште за нафта во градот Резекне, на околу 40 километри од границата со Русија, јави јавната телевизија ЛСМ, повикувајќи се на полицијата.
Пожарот што избувнал на местото на несреќата бил изгаснат пред да стигнат пожарникарите, информираат од ЛСМ.
На местото на несреќата се испратени и единици на вооружените сили, полицијата и спасувачките служби, додаде радио-телевизиската станица.
Издадено предупредување
Летонските власти во четвртокот наутро издадоа предупредувања за беспилотни летала до граѓаните кои живеат долж границата со Русија и побараа од нив да останат во затворени простории.
Сите училишта во Резекне ќе бидат затворени во четврток, соопштија локалните власти.
На крајот на март, неколку залутани украински беспилотни летала ги погодија Летонија и нејзините соседни земји и НАТО сојузниците Естонија и Литванија, при што еден од нив се судри со оџак од централа, а другиот удри во замрзнато езеро и експлодира.
Се верува дека украинските беспилотни летала се лансирани за да погодат воени цели во Русија.
Трите балтички земји никогаш не дозволиле нивната територија или воздушен простор да се користат за напади со беспилотни летала врз Русија, изјавија нивните министри за надворешни работи во април.