Ракометарките на Куманово викендов забележаа пораз од лидерот на табелата ЖРК Ѓорче Петров во рамки на домашниот шампионат.
Од самиот старт скопската екипа покажа доминација на теренот и сакаше да докаже дека е фаворит за освојување на шампионската титула сезонава, па на полувреме имаше предност од 14:19.
Падот на концентрацијата на избраничките на тренерот Александар Бојковски, но и демотивацијата во вториот дел од неколкуте судски одлуки, ги сопре кумановки да направат пресврт во резултатот, што тимот на Ѓорче Петров го искористи да даде уште голови за конечни 24:43.
Во тимот на ЖРК Куманово најефикасна беше Мариана Силва Азеведо со осум голови, четири постигна Аманда Стеин, а по еден помалку запишаа Ангела Шехтанска и Нена Несторовска.
Во тимот на Ѓорче Петров со по осум голови најефикасни беа Стефанија Ѓорѓиевска и Емилијана Ризоска.
И покрај овој пораз кумановки остануваат на цврстата 4. позиција.
Никола Ивановски