Најголемата банка во Кувајт, Националната банка на Кувајт, објави дека ќе го затвори своето седиште во главниот град на два дена поради безбедносната ситуација и продолжувањето на иранските напади.
Седиштето во Кувајт Сити и подружницата во Субхан, во близина на аеродромот, беа затворени.
„Поради актуелните околности и заради сигурност на сиот деловен континуитет“, се наведува во соопштението на банката.
Напад со дрон на аеродромот
Одлуката доаѓа по извештаите за напад со иранско беспилотно летало на аеродромот во Кувајт, во кој беа погодени резервоари со гориво.
Во нападот избувнал голем пожар.
Војната трае повеќе од еден месец
Војната меѓу САД, Израел и Иран започна кон крајот на февруари кога американските и израелските сили започнаа напади врз ирански воени и нуклеарни цели, вклучително и бази и објекти на Револуционерната гарда поврзани со ракетната програма на Иран.
Иран возврати со ракетни и беспилотни напади врз американските бази во регионот и врз цели во Израел и земјите од Персискиот Залив, додека конфликтите се проширија и на поморскиот сообраќај, особено во Ормускиот теснец, низ кој поминува голем дел од светската нафта.
Тензиите продолжуваат да растат, и покрај повремените сигнали за можни преговори, ниту една од страните досега не покажа подготвеност за брз прекин на конфликтот.