Израел ги отстрани иранскиот министер за надворешни работи Абас Аракчи и претседателот на парламентот Мохамед Бакер Калибаф од таканаречениот список на отстрел, на барање на Пакистан, кој посредуваше преку Вашингтон.
Оваа информација денес му беше презентирана на Ројтерс од неименуван пакистански функционер, пишува Ројтерс.
„Нема да остане никој со кого да се разговара“
„Израелците ги имаа своите координати и имаа намера да ги елиминираат. Им кажавме на САД дека ако и тие бидат елиминирани, нема да остане никој со кого да се разговара, па затоа САД ги замолија Израелците да се откажат“, објасни функционерот.