Пентагон ги заостри ограничувањата за новинарите што известуваат за американската војска, неколку дена откако американскиот суд пресуди дека неговиот претходен обид за реформирање на пристапот до печатот е неуставен.
Беше објавено дека ќе ја затворат прес-салата во зградата и дека „секој пристап на новинарите до Пентагон ќе бара придружба од овластен персонал на одделот“.
Шон Парнел, портпарол на воениот штаб, рече дека промените се должат на „безбедносни ризици“.
– Со стапување на сила веднаш, Коридорот за дописници е затворен – објави тој на X.
Новиот работен простор ќе биде воспоставен во „анекс на објект надвор од Пентагон, но сепак на територијата на Пентагон“, според долгото соопштение.
Оваа заострена политика е само најновата во низата мерки што ги презедоа американскиот претседател Доналд Трамп и неговите врвни функционери против новинарите, особено кога не се согласуваат со нивното известување.
Во петокот, федерален судија пресуди дека промените во пристапот до печатот воведени од Военото министерство во 2025 година, со кои беше одземена акредитацијата на голем број истакнати медиумски куќи.