Тинејџерката ќерка на севернокорејскиот лидер Ким Џонг Ун возеше тенк додека нејзиниот татко седеше зад неа, според фотографиите објавени од државната новинска агенција на Северна Кореја KCNA во петокот, а аналитичарите шпекулираат дека таа би можела да биде негова наследничка.
Ќерката на Ким, позната како Џу Ае и за која се верува дека има околу 13 години, во последните месеци се повеќе се појавува во јавноста со својот татко.
На најновите фотографии, таа може да се види како вози тенк додека зад неа насмеан татко се потпира на куполата, а тројца воени офицери во униформа седат на каросеријата на возилото.
Порано овој месец, таа беше видена како пука со пушка на стрелиште, а еднаш беше фотографирана како пука со пиштол.
Северна Кореја досега официјално не го потврди нејзиното име ниту нејзината возраст.
Во четврток, Ким надгледуваше вежба со нов тип тенк, каде што беа демонстрирани супериорни офанзивни и одбранбени способности против беспилотни летала и противоклопни ракети, според извештајот на новинската агенција KCNA.
Во последните години, севернокорејскиот лидер го модернизира конвенционалното оружје на земјата, вклучувајќи ги и тактичките балистички ракети, и развива стратешки арсенал што вклучува балистички ракети со долг дострел и нуклеарно оружје.
