Членовите на Хезболах објавија дека израелската армија се повлекла од градот Кијам во југоисточен Либан по, како што тврдат, жестоките судири со борците на оваа либанска шиитска организација.
Според извештаите на либанските медиуми, Хезболах соопшти дека нејзините борци имале директни судири со израелските војници за време на обидот за напредување на израелските сили во оваа област.
„Тие беа принудени да го повлечат она што им останало од возилата и војниците кон ридот Хамам. Отпорот се судри директно со силите на окупаторската армија што се обиде да напредува кон градот Ад-Духаира“, се вели во соопштението.
Хезболах, исто така, изјави дека извршил напад врз израелската база „Еин Зеитим“, северно од градот Сафед, користејќи ескадрила од беспилотни летала за напад.
Во соопштението се додава дека целта на нападот бил воено-индустрискиот комплекс на компанијата Рафаел, јужно од градот Акра.
„Ова е одговор на криминалната израелска агресија што ги таргетираше десетици либански градови, вклучувајќи ги и јужните предградија на Бејрут“, соопшти Хезболах.