Рускиот претседател Владимир Путин денес посочи дека Русија може веднаш да престане да ги снабдува европските пазари со гас и да се сврти кон поперспективни пазари.
На 15 април, Европската комисија ќе поднесе законски предлог за трајна забрана за увоз на руска нафта, три дена по парламентарните избори во Унгарија, според претставници на ЕУ и документ што го виде Ројтерс.
„А сега се отвораат други пазари. И можеби би било попрофитабилно за нас веднаш да престанеме да го снабдуваме европскиот пазар. Ајде да преминеме на тие пазари што се отвораат и да се етаблираме таму“, му рече Путин на новинарот на руската државна телевизија Павел Зарубин.
„Ова не е одлука, ова е размислување на глас“
„Но, ова не е одлука, тоа е, во овој случај, она што се нарекува размислување на глас. Секако ќе ја упатам владата да работи на ова прашање заедно со нашите компании.“
Путин повтори дека Русија отсекогаш била сигурен снабдувач на енергија и дека ќе продолжи да соработува со оние партнери кои се исто така сигурни, како што се Словачка и Унгарија.